Работник ја продолжи доминацијата во ракометната Супер-лига откако во рамките од осмото коло ја забележа осмата победа, овојпат над Охрид со убедливи 31-21. Охриѓани влегоа во мечот како второпласирана екипа на табелата, но немаа никакви шанси да го изненадат фаворитот, кој имаше успешна „генералка“ пред претстојниот предизвик во ЕХФ-купот.
Битолчани го отворија мечот со рано водство од 3-0, но гостинскиот состав успеа да се врати, израмни на 10-10, потоа и на 12-12. Со голот на Ѓукиќ домашниот тим замина на одмор со предност од 15-13, а охриѓани последниот отпор го дадоа израмнувајќи на 16-16. Следеше серија од седум гола на битолскиот тим со која победникот беше решен, па Работник со рутинска игра во финишот стигна и до двоцифрена победа.
Милан Ѓукиќ беше незапирлив за гостинските ракометари постигнувајќи 11 погодоци, Никола Марковски беше стрелец на шест, додека најдобар стрелец на Охрид беше Георгиевски со пет гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
