Македонскиот првак Шкендија повторно разочара со европскиот настап на домашен терен. Загуби од Дуделанж, претставникот на Луксембург, со 1-2 и многу си го отежна патот кон третото квалификациско коло во Лигата на Европа. Имаа водство, промашуваа шанси, а потоа фудбалерите на Шкендија повторно потклекнаа во вториот дел и примија два гола, идентично како и на дуелот со Номе Калју.
„Немам зборови да опишам колку сме разочарани. И не знам што се случува. Имаме шанси, а не можеме да реализираме. Имав и јас одлични шанси и потфрлив пред противичкиот гол. Но, сега треба да ги кренеме главите и да покажеме дека имаме квалитет. Можеме да го победиме Дуделанж со 0-2 во Луксембург“, порача репрезентативецот Марјан Радески.
Реваншот ќе се одигра на 30 јули во Луксембург.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
