Ракометарите на Е. Пелистер не успеаја во намерата повторно да ја совладаат Фредериција, да врзат две победи во низа во Лигата на Шампионите и да ги зголемат своите шанси за пласман во нокаут фазата.
Битолчани одиграа слабо прво полувреме, во вториот дел се вратија, но падот на концентрацијата и неколкуте грешки во финишот придонесоа мечот на крајот да заврши без победник.
„Oва беше одличен меч, многу борба и добра одбрана. Во вториот дел се вративме во натпреварот по негатива, успеавме и да поведеме. Имавме шанса и да победиме, но и тие ја имаа. Поддршката што ја добивме од трибините беше одлична од трибините и таа нè туркаше низ натпреварот. Сепак, бод е бод, не го загубивме мечот. Штета за загубениот бод, штета е што не победивме, но работиме напорно и одиме понатаму. Шансите за пласман во следната фаза постојат, имаме натпревари дома и на гости и сè е на нас“, изјави Радивојевиќ, кој беше најдобар поединец во таборот на македонскиот првак со седум постигнати погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
