Еден од најдобрите македонски кошаркарски стратези, Емил Рајковиќ стартуваше со победа во ФИБА Лигата на шампиони, откако неговиот Тофаш вечерва на домашен терен славеше против израелска Бнеи Херзлија со 90-86.
Во првото полувреме се играше во егал па на пауза се замина со нерешено 49-49. Во третиот период гостите одиграа неверојатно па пред последните десет минути влегоа со двоцифрена предност 63-75. Сепак, македонскиот стратег успеа да ги разбуди своите кошаркари и со фуриозен последен период турскиот тим да стигне до конечне триумф од 90-86.
Марек Блажевиќ со 25 поени беше прво име во победничкиот табор, додека кај поразените Илајџа Стјуарт постигна 23 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
