Кошаркарите на Тофаш предводени од македонскиот тренер Емил Рајковиќ, го совладаа тимот на Трапани Шарк со 91-89 во второто коло од Групата д во Лигата на шампионите.
После натпреварот, Рајковиќ кажа дека триумфот го посветува на пејачот на групата ДНК Владимир Блажев Панчо, кој вчера почина како последица од повредите од трагедијата во Кочани од 16. март годинава.
„Нашиот противник, Трапани, одигра натпревар два дена пред овој. Затоа, не се одморија многу. Нивниот настап, особено во првото полувреме, го препишувам на заморот. Ние искористивме огромна предност од сето тоа. Тие играа подобро во второто полувреме. Сепак, најдовме начин да останеме во натпреварот и да се опоравиме, заработувајќи клучна победа за нас. Ние сме во една од најтешките групи во Лигата на шампионите. Им честитам на моите играчи за нивниот настап. Атмосферата во Трапани е вистинска кошаркарска атмосфера. Тие го зголемија притисокот, особено во второто полувреме, и ни ги отежнаа работите. Но, моите играчи донесоа добри одлуки во тие моменти и најдоа начин да победат. Како што разговаравме претходно, нашата главна цел беше да ги разоткриеме слабостите на Трапани кога го следевме планот за игра. Кошарката е игра со свои подеми и падови. Сепак, ние бевме тим со 12 добри играчи. Сакам да ја посветам оваа победа на мојот пријател кој почина денеска, Владимир Блажев Панчо од бендот „ДНК“. Тој секогаш ми беше голема поддршка. Нека му почива душата во мир. Знам дека сега е на подобро место“, изјави емотивно Рајковиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
