Македонскиот кошаркарски тренер Емил Рајковиќ имаше деби од соништата на клупата на Тофаш Бурса. Во првото коло од турската Супер-лига, неговиот тим го совлада големиот фаворит Фенербахче.
Натпреварот имаше драматичен финиш, а Тофаш постигна кош со звукот на сирената за конечна победа од 80-78. Херој беше Максвел Луис, кому тоа му беа први поени на натперварот.
Екипата на Емил Рајковиќ успеа да стигне негатива од седум разлика во последната четвртина, а во последните две минути беше во предност од поен и имаше напад да стави печат на победата.
Македонскиот тренер при 78-78 повика тајмаут, и благодарение на неговата акција, тимот стигна до победа.
TOFAŞ, ligin ilk haftasında konuk ettiği Fenerbahçe Beko’yu, Maxwell Lewis’in son saniye basketiyle 80-78 mağlup etti. Bursa ekibi, kazandığı bu maçı 1/14 üçlük isabetiyle noktaladı. pic.twitter.com/eBNpF7lhW3
— Ferhat Yeşiltaş (@NeoRock06) September 27, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
