По претходно донесена одлука на Управниот одбор, Ракометната федерација на Македонија ја исплати наградата во износ од 3.000.000,00 денари на машката сениорска репрезентација за настапот на Светското првенство во ракомет кое се одржа минатиот месец.
Македонската сениорска репрезентација запиша забележителни настапи во хрватски Вараждин пласирајќи се во главната фаза од натпреварувањето, во првата фаза ремизирајќи со Унгарија и славејќи против Гвинеја, додека во втората фаза ремизира со Австрија и го победи Катар, на крајот за 15. место на Мундијалот во конкуренција на 32 најдобри селекции на светот.
Машката сениорска ракометна репрезентација го задржа континуитетот на настапи на големите натпреварувања, обезбедувајќи учество на девети последователен ракометен светски шампионат по ред.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
