Македонските ракометни репрезентативци издвоија дел од своето слободно време за дружба со своите фанови во продавницата на „Д Спорт“ во рамките од „Телеком арена“.
Селекторот Раул Гонзалес, капитенот Кире Лазаров и репрезентативците Филип Миркуловски, Дејан Манасков, Филип Талески и Филип Кузмановски, се потпишуваа на ракометните сувенири кои можат да се купат во оваа продавница на спонзорот на Ракометната Федерација на Македонија, кој воедно е и застапник за опремата Хумел во нашата држава.
Во одлично расположение, ракометарите и селекторот се дружеа околу еден час со верните фанови, од кои голем дел утре ќе се најдат и на трибините од „ВИП Арена“ за да ги бодрат Лазаров и соиграчите на дуелот со Чешка, во битката за пласман на ЕП 2018.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
