Литванскиот шампион Каскада Гарлијава беше поуспешен од ракометарките на Куманово со 32-25 во првиот натпревар од второто коло во ЕХФ Европскиот Куп.
Македонскиот тим имаше сила само за првите десет минути кога беше 3-3, а потоа противниците успеаја да направат добра разлика, пред Куманово одново да се врати и да намали на 15-14, што беше резултат по првиот дел.
Сепак, во второто полувреме голем пад на Куманово, и одново предност направија Литванките кои дојдоа до +5. Меѓутоа избраничките на Славија Димитријески ситгнаа одново до негатива од два гола, меѓутоа немаа сили за нешто повеќе.
Голманката на Каскада, Леикуте одбрани три удари во финишот, а потоа нејзините соиграчи успеваа да реализираа за победа.
Ревнашот е на 4 октомври во Куманово.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
