Женската ракометна репрезентација на Македонија стартуваше со подготовките пред настапот во квалификациите за СП 2019 во Јапонија.
Селекторот Симе Симовски, за овој циклус повика 21 ракометарка, а уште по првиот собир од составот поради повреда отпадна пикерот Сања Дабевска. Репрезентацијата од утре ќе биде комплетна откако ќе се приклучи и Дајана Јовановска која поради клупските обврски на Исланд пристигнува два дена подоцна од другите.
Македонските ракометарки ќе имаат десет дена подготовки во Скопје пред квалификацискиот турнир на кој ќе бидеме домаќини од 30 ноември до 2 декември. Во групата со Македонија се уште и селекциите на Азербејџан, Турција и Исланд. Победникот во групата обезбедува пласман во баражот за СП 2019.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
