Реал Мадрид доживеа дебакл на „Ел Класико“, откако загуби на „Сантијаго Бернабеу“ со 0-3 од најголемиот ривал Барселона. Но, капитенот на „кралевите“, Серхио Рамос, вели дека неговиот тим треба да биде горд на 2017 година, а тие што денеска се радуваа да ги пребројат трофеите што ги освоија.
„Дали „Ел Класико“ е наш дебакл? Секој што мисли така треба само да ја погледен статистиката во 2017 година и да види колку трофеи имаме освоено. Исто така, и ривалите треба да си ги пребројат трофеите, многу е едноставно“, изјави Серхио Рамос.
Тој имаше жестоки стартови на денешното дерби, но и за тоа имаше интересен коментар.
„Во Барселона можеби мислат дека треба да одам во затвор, заедно со Пиџемонт“, пецкајќи го каталонците и за нивниот обид да се изборат за независност.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
