Возачот на Мерцедес, Џорџ Расел, отворено зборуваше за преговорите на германскиот тим со четирикратниот светски шампион Макс Верстапен. Шефот на тимот на Мерцедес, Тото Волф, по отпуштањето на Хорнер од Ред Бул, ја отфрли секоја можност Верстапен да се пресели во „Сребрените стрели“.
Кога беше прашан дали откривањето на разговорите е дел од играта на Мерцедес, Расел одговори: „Тоа е сериозна теорија на заговор!“, и продолжи:
„Се е тоа во ред. Сите зборуваат. Постојат и долгорочни перспективи. За возачите и тимовите, тие не размислуваат само за следната година, туку за две, три, четири, пет години пред нас. Сè се менува брзо. Знам дека сè додека имам добри изданија, немам за што да се грижам – и тоа не значи дека останувам, не останувам или дека нешто конкретно се случува. За мене, последните неколку месеци беа интересни во однос на тоа како го обработив сè што се случуваше. Сега решив едноставно да не се грижам за тоа. Знам дека сè додека возам брзо на патеката, тоа е најважното нешто. Што и да се случи, ќе се случи“.
Расел ќе има можност повторно да се докаже на патеката Спа Франкошамп, каде што ќе се одржи нова трка во календарот на Формула 1.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
