Расел Вестбрук доби дозвола од Јута Џез да преговара со други тимови. Вестбрук минатата недела беше разменет од Лос Анџелес Лејкерс во Џез, но нема намера да игра за Јута.
Тој сака да го раскине договорот и сам да избере нов тим, а за него се заинтересирани четири екипи. Како што пренесува „ЕСПН“ Вестбрук има понуди од Чикаго Булс, Мајами Хит, Лос Анџелес Клиперс и Вашингтон Визардс.
Поранешниот МВП на лигата, деветкратен Ол-стар, кој имаше четири трипл-дабл учиноци оваа сезона, мора да избере нов тим до 1. март, крајниот рок за играчите да се пријават за плеј-офот.
А од тимовите кои го посакуваат, само Клиперси се сметаат за кандидат за титулата. Пол Џорџ веќе почна да лобира за доаѓањето на неговиот поранешен соиграч од Оклахома Сити. Се очекува Вестбрук да избере нов тим за време на Ол-стар викендот, иако медиумите не ја исклучуваат можноста тој да остане во Јута до крајот на сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
