Разиграниот Јувентус го растури Удинезе, Лече со неверојатен пресврт го победи Лацио (ВИДЕО)

  • Екипа
  • 20.08.2023 / 22:50
  • СПОДЕЛИ:

Повеќе од разигран Јувентус на стартот од новата сезона во Серија А, славејќи со 0-3 на гостувањето против Удинезе.

„Старата дама“ во ниту еден момент не ја доведе под прашање победата во Удине, најавувајќи ја преку Киеза, а на асистенција на Влаховиќ, уште во 2. минута.

Веќе во 20. минута, пак, Влаховиќ погоди и за водство од 0-2 од пенал.

Рабио уште пред полувремето зголеми и на 0-3, па во второто полувреме Јувентус само рутински си ја одржуваше предноста.

Но, затоа пак имаше повеќе од возбудливо второ полувреме на дуелот меѓу Лече и Лацио кој заврши со победа на Лече од 2-1.

Лацио од 26. минута со голот на Имобиле дојде до предност од 0-1, за да Лече со неверојатен пресврт во само две минути, со головите на Алмквист во 85. минута и Ди Франческо во 87. минута дојде до победа од 2-1.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...