Кевин Пантер и во следната сезона ќе ги брани боите на Барселона, откако американскиот кошаркар ги договори деталите за продолжување на соработката со каталонскиот гигант.
Пантер минатото лето го напушти Партизан и потпиша на 1+1 годинa со Барселона, но поради финансиските проблеми на каталонскиот клуб беше најавувано дека тој летово би можел да ги смени тимските бои. Пантер остана трпелив чекајќи разврска во Барселона, одбивајќи воопшто да преговара со други клубови, а Барса е подготвена да ја награди неговата лојалност.
Имено, финансиските проблеми во меѓувреме беа надминати, а Пантер не само што ќе добие активација на втората година од договорот, туку ќе потпише и нов договор, за повисока плата и со важност до јуни 2027 година. Според каталонските медиуми, сите детали се веќе средени, а е очекува Барса во следните неколку дена да ја официјализира оваа вест за останувањето на еден од најдобрите кошаркари од оваа натпреварувачка сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
