Контроверзниот сопственик на ФЦСБ, Џиџи Бекали, како што пренесoa романските медиуми, наредил замена на двајцата капитени во тимот Олару и Шут кои во 63. минута од средбата беа заменети со Овидиу Периану и Мариус Стефанеску на синоќешниот натпревар против Шкендија на арената „Тодор Проески“ во Скопје. Токму поради таквата одлука, Олару и Шут при напуштањето на теренот отворено го демонстрираа своето незадоволство.
„За нив повеќе нема место во овој тим. Од утре ќе бидат избришани од списокот за европските натпревари, а на нивно место во ростерот ќе бидат Малком Еџума и Алекс Балута. Тие двајца не заслужуваат повеќе да играат“ – изјави во преносот во живо Џиџи Бекали.
Сето ова, и одлуката на Бекали дека повеќе за Периану и Стефанески нема место во неговиот тим, тренерот на ФЦСБ, Караламбус ја дозна од новинарите на прес-конференцијата во Скопје. И, најблаго кажано, беше макимално изненаден…
„Ќе видиме за тоа, но мислам и дека не е сега време да зборуваме на таа тема. Најпрво не чека натпревар во сабота во домашното првенство, а потоа ќе видиме на кои фудбалери ќе сметаме за европскиот натпревар и реваншот со Шкендија во Букурешт“ – рече Караламбус на прес-конференцијата во Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
