Колумбискиот интернационалец Хамес Родригез не сака да го напушти „Сантијаго Бернабеу“ оваа зима, иако за него Реал Мадрид доби фантастична понуда од Кина. Клубот Хебеи форчун, чиј тренер е поранешниот тренер на „кралскиот клуб“, Мануел Пелегрини, понуди 100 милиони евра отштета за да го купи одличниот офанзивен играч за врска.
Тоа е одлична можност за Реал Мадрид да ги извлече сите вложени пари во Хамес Родригез, па дури и да заработи. Претседателот Флорентино Перез имал преговори со раководството на кинескиот клуб во Дубаи, на манифестацијата „Глоув сокер авордс“, и начелно се сложил со оваа зделка.
Сепак, самиот фудбалер не сака да ја продолжи кариерата во Кина, иако Хебеи му нуди вистинско богатство. Тој би имал годишна нето плата од 30 милиони евра, а би потпишал договор на три сезони.
Хебеи форчун е клуб кој егзистира само шест години, формиран е во 2010 година, но зад него стојат дел од најмоќните кинески компании.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
