Реал Мадрид продолжи со одличните игри во шпанската Ла Лига. „Кралевите“ во вонредното десетто коло го совладаа Елче со 0-3, а во листата на стрелци се запишаа Валверде, Бензема и Асенисо, но овој меч ќе остане запаметен по несекојдневната ситуација.
На Реал му беа поништени три гола поради ВАР. Во мадридскиот клуб не можеа да поверуваат што се случува, а головите двапати беа поништени на Бензема и Алаба. Токму голот на Алаба е предмет на коментари во Шпанија, бидејќи на повеќето аналитичари не им беше јасно како можеше да биде поништен.
Откако пристигна и прецизна фотографија од спорниот момент, се огласи и фудбалската федерација на Шпанија, поточно Судискиот комитет и Судиската организација упатија извинување до Реал Мадрид.
„Му се извинуваме на Реал и на сите љубители на фудбалот. ВАР системот понекогаш е навистина тежок за проценка, некои одлуки се исклучително тешки. По подолги прегледи и анализи, голот на Алаба беше поништен по грешка”, соопшти Шпанската фудбалска асоцијација.
Инаку, од Судискиот комитет и судиската организација во Шпанија изјавија дека максимално ќе работат на ВАР системот, за да не се случат слични грешки на следните натпревари. Тие се свесни за фактот дека ВАР ги нервира фановите на фудбалот, но исто така забележуваат дека употребата на ВАР значително го има подобрено судењето на натпреварите.
La RFEF a envoyé une lettre aux dirigeants du Real Madrid afin de s’excuser car le but inscrit hier soir par David Alaba a été refusé à tort.
Ils ont confirmé que c’était une erreur de leur part et qu’ils allaient travailler pour empêcher que cela ne se reproduise en Liga.
(as) pic.twitter.com/p1V2SghZYv
— BeFootball (@_BeFootball) October 20, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
