Кошаркарите на Реал Мадрид запишаа повеќе од убедлива победа на гостувањето против Фенербахче во 25. коло од Евролигата. „Кралевите“ во Истанбул славеа со неверојатни 65-94.
Тоталниот дебакл на Фенербахче беше навестен уште во првиот период од играта кој Реал го доби со 15-22. До полувремето веќе беше и цели 16 поени предност (31-47), што веќе ја навести победата на гостите.
Во второто полувреме Реал Мадрид само рутински ја одржуваше и зголемуваше предноста за конечни 65-94.
Најефикасен во победничкиот тим беше Џејси Керол со 20 поени, а 16 поени запиша Волтер Таварес. Кај домашните се издвои Нандо Де Коло со 21 поен, а Јан Весели мечот го заврши со 16 постигнати поени.
Во првите два денешни натпревари Алба Берлин славеше на гостувањето против Зенит со 81-83, а Олимпијакос во Атина го победи Лион со 77-68.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
