Капитенот на Реал Мадрид Лука Модриќ, ќе му биде на располагање на Карло Анчелоти за финалето на шпанскиот Суперкуп против Барселона, откако го пропушти претходниот натпревар поради настинка.
Модриќ, 39-годишниот играч од средниот ред на Реал Мадрид, го пропушти полуфиналниот натпревар со Мајорка во четвртокот, кој неговите соиграчи го добија со 3-0. Тој ден Реал Мадрид на својата веб-страница објави дека хрватскиот играч за врска отпаднал од тимот поради вирус.
Барселона го совлада Атлетик Билбао со 2-0 во второто полуфинале одиграно во средата. За Каталонците не играа офанзивниот играч за врска Дани Олмо и напаѓачот Пау Виктор, бидејќи организаторот на натпреварувањето во Ла Лига им ги откажа регистрациите. Сепак, и двајцата треба да бидат во составот против Реал, бидејќи нивните регистрации се привремено реактивирани.
Финалниот натпревар во Саудиска Арабија (Џеда) се игра в недела од 20 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
