Реал Мадрид брзо реагираше и го исфрли доживотно навивачот кој во директен пренос пред натпреварот од Лигата на шампионите против Бенфика направи нацистички поздрав. Инцидентот се случи непосредно пред почетокот на реваншот на „Сантијаго Бернабеу“.
Навивачот беше идентификуван од безбедносните служби на клубот во рок од неколку минути по појавувањето на ТВ екраните и беше веднаш исфрлен од стадионот.
Клубот издаде официјално соопштение во кое го осудува „секој гест и израз што поттикнува насилство и омраза во спортот и општеството“.
Против навивачот (кој е член на Реал Мадрид) е покрената итна дисциплинска постапка за трајно исклучување од трибините. Оваа ригорозна реакција доаѓа во време кога натпреварот беше под посебно внимание поради претходните навреди кон Винисиус Жуниор и општиот контекст на борба против расизам во фудбалот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
