Шпанскиот гигант Реал Мадрид не се откажува од намерата да го купи Мауро Икарди во зимскиот преоден рок. Иако тоа ќе биде многу тешка мисија дури и за Флорентино Перез, раководството на „кралскиот клуб“ се обидува да го убеди Интер за продажба на напаѓачот со најразични опции. Најновата е Тони Крос да биде испратен во Милано, а Реал Мадрид да доплати одредена сума за ангажманот на капитенот на Интер.
Како што открива „Кориере дело спорт“, Реал Мадрид го понудил Тони Крос, а можно е во пакетот да влезе дури и Лука Модриќ, кој одби да потпише нов договор и речиси сигурно ќе замине во Серија А. Флорентино Перез мора да донесе нова ѕвезда во Мадрид и со сите сили е насочен токму кон напаѓачот на Интер. Мауро Икарди има понуда и за обновување на соработката со „нероаѕурите“, со годишна плата од 7 милиони евра, но се уште калкулира и ги мери понудите од другите европски клубови. Реал сака тоа да го искористи и да го донесе на „Сантијаго Бернабеу“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
