Хрватскиот репрезентативец од редовите на Реал Мадрид, Марио Хезоња одбил две понуди за продолжување на договорот со „кралскиот клуб“, открива шпанскиот медиум „Марка“. Причината за тоа е финансиската страна од која 28-годишниот крилен центар воопшто не е задоволен.
А, пак Шпанците „штедат“ на Хрватот со оглед на тоа што сакаат во тимот да ги задржат центрите Еди Тварес и Винсант Поарие кои оваа сезона се клучен дел од лидерот на Евролигата.
Шпанските медиуми откриваат и дека Хезоња има богата понуда од Панатинакос, неговиот поранешен клуб вредна два милиони евра по сезона. Хрватот не ја крие поврзаноста со грчкиот тим каде брзо стана и миленик на навивачите па се поголема е веројатноста дека ќе се врати во Атина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
