Реал Мадрид сака да донесе дефанзивци во следниот преоден рок со оглед на тоа што Алаба има 32 години, а Антонио Рудигер 31 година.
Освен нив, на таа позиција се и Раул Асенсио и Едер Милитао, но мадриѓаните бараат млади стопери кои се навикнати да играат по левата страна.
Шпанските медиуми пренесуваат дека двајцата играчи кои Реал ги означил како идеални се Јошко Гвардиол од Манчестер Сити и Мики ван де Вен од Тотенхем, но се свесни дека нивното доведување е прескапо.
Тие се заинтересирани и за поприфатливи опции, а тоа се Кастело Лукеб од РБ Лајпциг и Џорел Хато од Ајакс. Шпанците објаснуваат и дека Реал се уште не одлучил колку е подготвен да потроши.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
