Аргентинскиот интернационалец Мауро Икарди беше голема желба на европскиот првак Реал Мадрид, но шпанскиот гигант се премислил во последен момент поради неговата сопруга, а воедно и фудбалски агент, Ванда Нара. Нејзиниот однос и преголемите барања при преговорите, но и воопшто однесувањето што го имаат заедно со Мауро Икарди било пресудно за Флорентино Перез да се премисли и да се откаже од намерата за негов ангажман.
Икарди беше во преговори и со Интер за продолжување на договорот кој му истекува во 2021 година, но веројатно дека Ванда Нара повторно постави преголеми барања, а по ова Аргентинецот ја загуби капитенската лента и воопшто не беше дел од тимот кој играше во Лигата на Европа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
