Голема е веројатноста дека Реал Мадрид престојното лето ќе добие промена на тренерската позиција од каде се очекува да замине Карло Анчелоти по успешните четири години поминати на „Сантијаго Бернабеу“. Италијанскиот стратег останува опција број еден за репрезентацијата на Бразил, а останува отворено прашањето кој ќе биде неговиот наследник во „кралските“ редови.
Како прва опција долго се споменуваше Чаби Алонсо, младиот шпански стратег кој блесна во Баер Леверкузен, а и добро го познава Реал Мадрид со оглед на тоа што со успех настапуваше за овој тим во играчката кариера.
Сега како нова опција се јавува Јирген Клоп, долгогодишниот тренер на Ливерпул кој по заминувањето од „Енфилд“ прифати нов предизвик – да биде глобален директор за фудбал во „Ред Бул“. Од Мадрид се надеваат дека нивниот интерес ќе го промени ставот на Германецот да се врати назад на тренерско место.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
