Реал Мадрид со стил ја започна новата 2017 година, откако „кралскиот клуб“ славеше на денешниот дуел против Гранада со убедливи 5-0. Избраниците на Зинедин Зидан одиграа беспрекорно прво полувреме во кое четири пати го матираа гостинскиот голман. Иско беше стрелец на два гола, по еднаш мрежата на Гранада ја затресоа Бензема и Роналдо, разрешувајќи ги сите дилеми околу победникот по само 45 минути игра.
Реал целосно доминираше и во вториот дел, но домаќините постигнаа само еден гол, и тоа преку Кашемиро кој најдобро се снајде по еден скратен корнер и од непосредна близина на вториот дирек ја затресе мрежата на гостите.
Со овој триумф Реал стигна до историска серија од 39 натпревари без пораз во Примера, продолжувајќи со импресивните настапи откако пред една година Зинедин Зидан го презеде кормилото на најтрофејниот европски клуб.
Karim Benzema Goal – Real Madrid 2-0 Granada 07… by meteoalex1
Cristiano Ronaldo Goal HD Real Madrid 3 0… by emmapollard
Isco 2nd Goal HD – Real Madrid 4-0 Granada 07… by alexandru-paul29
Casemiro 5:0 Super Goal HD Real Madrid… by fabiolafarrelly
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
