Реал Мадрид го претрпе еден од најтешките порази во последните децении откако на подготовките во САД загуби од градскиот ривал Атлетико Мадрид со 3-7.
„Кралевите“ беа шокирани во првото полувреме, кога противникот поведе со неверојатни 5-0. Вторите 45 минути донесоа поизрамнета борба, Атлетико постигна два, а Реал три погодоци за конечни 7-3 за тимот на Диего Симеоне.
Во главна улога беше Диего Коста, кој постигна четири погодоци за „јорганџиите“, но потоа во второто полувреме доби и црвен картон заедно со Карвахал. Стрелци за Атлетико беа уште и Жоао Феликс, Витоло и Кореа, додека головите за Реал ги постигнаа Начо, Бензема и Хави Хернандез.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
