Реал Мадрид спаси победа против Басконија со кошот во последнаите секунди на Руди Фернандез. „Кралевите“ триумфираа со резултат од 75-73, и ја продолжија низата на седум победи во Евро – лигата по 18. кола. Басконија ја делеа секунди од две победи по ред против големи екипи, пред два дена го „потопија“ Олимпијакос, но во шпанската престолнина не успеаја да го сочуваат водството и да направат изненадување.
Од составот на Реал Мадрид како најефикасни се истакнаа Козер и Томкинс кои поделија по 13 поени, додека Фернандез и Дончиќ постигнаа по 12 поени. Родриг Бибо одигра фантастичен натпревар за гостите од Виторија, заврши со 18 поени и реализирани 3/4 од линијата за три поени.
Армани Милано стигна до сигурна победа во 18. коло во Евро – лигата откако пред своја публика го совлада тимот на Уникаха од Малага со резултат од 101 – 87. Со овој триумф Милано повеќе не е последниот тим на табелата, сега имаат еден поен повеќе (14) од Анадолу Ефес.
Во победата на италијанскиот состав, Гуделок и Кузминскас беа најефикасните кошаркари со 18, односно 17 поени, додека нашиот репрезентативец Џордан Теодор застана на 14 поени. Недовиќ и Брукс со своите 22, односно 19 поени не успеаја да го спасат својот тим од пораз.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
