Европскиот првак Реал Мадрид веднаш реагираше на ставот на хрватскиот репрезентативец Матео Ковачиќ кој истакна дека има намера да си замине од „Сантијаго Бернабеу“ во овој летен преоден рок. Ставот на „кралскиот клуб“ е дека интересентите за услугите на Ковачиќ ќе треба да ја платат отштетната клаузула вредна 300 милиони евра.
„Размислувам за заминување. Би заминал во клуб во кој ќе имам поголема минутажа“, истакна Матео Ковачиќ од Русија, каде настапува за селекцијата на Хрватска.
Но, Реал Мадрид веднаш потенцираше дека Хрватот има актуелен договор со клубот до 2021 година и отштетната клаузула е 300 милиони евра. „Кралевите“ немаат намера да го ослободат од обврските за помала сума од клаузулата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
