Нова драма во светот на Формула 1! Ред Бул казнет, по потврдена свесна саботажа на Ландо Норис.
Ред Бул беше казнет со 50.000 евра откако член на тимот се обиде да ја отстрани лентата што ја означуваше почетната позиција на возачот на Мекларен, Ландо Норис. Според ФИА, членот на Ред Бул „повторно влезе во дел од стартната зона на Порта 1, во близина на втората стартна позиција“, која му припаѓаше на Норис, откако автомобилите веќе го започнаа формацискиот круг на патеката во Остин.
Во официјалната одлука на судиите се наведува дека казната е изречена затоа што „пречки во безбедносните процедури за време на подготовката на патеката за трката откако почетната позиција е испразнета е апсолутно забрането“. Сепак, не беше прецизирано зошто членот на тимот се обидел да влезе во ограничената зона.
Според Скај Спортс, вработен во Ред Бул се обидел да ја отстрани лентата што Мекларен ја поставил по должината на ѕидот на решетка за да му помогне на Норис прецизно да се позиционира на својата почетна позиција, со оглед на ограничената видливост од кокпитот.
Ред Бул објави дека членот на тимот не бил свесен дека стјуардите се обидуваат да го спречат, но судиите истакнаа дека „секој член на тимот мора да биде свесен“ дека ваквите дејствија се строго забранети, па затоа казната беше изречена во согласност со правилата на ФИА.
Трката во Остин ја доби Макс Верстапен (Ред Бул), кој исто така го освои спринтот претходниот ден. Холанѓанецот на тој начин ја намали разликата во однос на лидерот во шампионатот Оскар Пјастри (Мекларен) на 40 поени, пет трки пред крајот на сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
