Триесет и деветгодишниот шпански голман Пепе Реина има намера да потпише нов договор со Лацио. Искусниот голман дојде во клубот од Рим од Милано минатото лето и одигра 31 натпревар во дресот на Лацио.
Шпанецот прими два гола во првите два натпревари од новата сезона, но тоа е помалку важно ако се знае дека неговиот тим е лидер во Серија А со шест бода и гол разлика од 9-2.
„Имам договор со клубот до крајот на сезоната. Ако се согласиме, ќе останам уште една година. Моето семејство е среќно во Рим“, рече Реина.
Поранешниот голман на Барселона во кариерата играше и за Вилјареал, Ливерпул, Наполи, Баерн, Милан и Астон Вила.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
