Кил му го нанесе вториот пораз на Загреб во низа откако во 13. коло од групната фаза во Лигата на Шампионите славеше со 27-28 благодарение на Реинкинд кој реализираше во последната секунда од мечот.
Двата тима одиграа изедначен натпревар во кој и домаќините и гостите имаа свои моменти, но не успеаја да ја задржат предноста. Хрватскиот тим на отварањето на второто полувреме стигна до позитива од 17-13, но Германците се вратија, а откако поведоа со 24-26 во завршницата не успеаја да ја задржат предноста.
Загреб преку Кларица и Обрановиќ стигна до изедначување на 17 секунди до крајот на мечот по што последниот напад му припадна на гостинскиот состав, а Реинкинд погоди за голема победа која е во полза и на Вардар.
Сега Загреб се наоѓа на седмата позиција на табелата со осум освоени бода и натпревар повеќе од Вардар кој ја завзема петата позиција на табелата со девет освоени бода по 12 одиграни средби.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
