Јохан Андре Форфанг реализираше скок од неверојатни 153 метри во германскиот Вилинген со што го израмни рекордот на скокалницата од 2021 година кој го постави Полјакот Клеменс Муранка.
Норвешкиот ски-скокач го подели првото место со Јапонецот Роју Кобајаши во квалификациите пред денешниот главен натпревар од Светскиот куп. И двајцата освоија по 129 бода, а трет заврши Австриецот Стефан Крафт со 127,5 бода.
По скокот на Форфанг скокалиштето беше спуштено и тоа влијаеше на резултатите на останатите натпреварувачи во продолжението.
Крафт води во вкупниот пласман во Светскиот куп со 1089 бода пред Германецот Андреас Велингер со 837 бода, а трет е Кобајаши со 736 бода. Форфанг е на 17. место со 228 бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
