Португалскиот фудбалер Ренато Санчез, кој беше еден од најталентираните светски фудбалери, не успеа да се наметне во својот прв обид во германскиот првак Баерн Минхен, но ќе добие и втора шанса. Тој се враќа на „Алијанц арена“, откако една сезона како позајмен играч мина во редовите на Свонси. Одигра 12 натпревари за англискиот тим без да постигне погодок, а клубот испадна во Чемпионшип – дивизијата.
Ренато Санчез како големо засилување во 2016 година од Бенфика се пресели во Баерн Минхен.
„Тој се враќа кај нас. Неговиот талент не е спорен, а новиот тренер Нико Ковач ќе има апсолутно право да располага за формирање на тимот“, изјави претседателот на Баерн Минхен, Карл – Хајнц Румениге.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
