Македонската репрезентација од синоќа активно ги реализира подготовките за престојните две квалификациски натпревари против Белгија и против Казахстан, одлучувачките во битката за првото место на табелата во групата кое води директно на Светското првенство 2026 во САД, Канада и Мексико.
Избраниците на Благоја Милевски низ максимално позитивна атмосфера ги очекуваат двата дуели, пред се концентрирани на пресметката со големиот фаворит Белгија во Гент која ја играме на 10. октомври.
Сосема е јасно дека Белгијците, како една од најдобрите светски селекции, се огромни фаворити на домашен терен, но и составот на Милевски низ актуелниот квалификациски циклус отворено демонстрираше дека и тоа како има свој капацитет за максимално надигрување со секој противник на теренот.
Националниот тим уште денеска и утре претпладне ќе реализира тренинзи во Скопје, а утре попладне е заминувањето за Белгија каде ќе се реализираат финалните подготовки за дуелот во петок (10 октомври).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
