Младата репрезентација на Македонија до 18 години одигра нерешено, 1-1, против соодветната селекција на Црна Гора во вториот контролен дуел денеска на тренинг центарот „Петар Милошевски”.
Македонија имаше предност од 1-0 и беше подобар противник на теренот, но Црна Гора во 82. минута успеа да го израмни резултатот. Стрелец на погодокот за нашите млади фудбалери беше Александар Богданоски во 48. минута од натпреварот.
Избраниците на селекторот Тони Јакимовски и на првата средба одиграна пред два дена против истиот противник одигра нерешено, без голови.
Македонија: Љупче Џеков, Андреј Аризанкоски, Христијан Стојановски, Ѓорѓи Џеков, Александар Богданоски, Теодор Николовски, Дестан Адили, Лорик Мухтари, Малик Хамзиќ, Амир Нухија, Умерфарук Сулејман.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
