Своевремено Франк Рибери (41) беше еден од најдобрите фудбалери во светот. Згора на тоа, многумина сè уште веруваат дека тој ја заслужи Златната топка пред Кристијано Роналдо во 2013 година, кога ја освои тројната круна со Баерн. Рибери одигра 425 натпревари за клубот од Минхен, постигнувајќи 124 гола и 182 асистенции.
Французинот го напушти Баерн во летото 2019 година, а играше и за Фиорентина и Салернитана, во чиј дрес објави крај на својата играчка кариера во октомври 2022 година, откако помина низ вистинска драма и за малку ќе ја загуби ногата.
Тој рече дека имал рутинска операција на коленото во последната сезона од неговата кариера, но се било комплицирано од бактериите кои влегле во неговото тело.
– Се повеќе ме болеше коленото, повеќе не тренирав, туку одмарав, за да се заштитам. Отидов под нож во Австрија, операцијата помина добро и ми вградија плоча во коленото. Но, пет месеци подоцна добив непријатна инфекција“, откри Рибери.
Ситуацијата се влошила бидејќи со месеци не бил свесен за инфекцијата.
– Ми ја отстранија плочката, но бактеријата ми го нападна месото во ногата. Беше толку лошо што имав дупки на ногата. Бев заразен со Staphylococcus aureus и поминав 12 дена на интензивна нега во австриска болница. Бев многу исплашен, за малку ќе ми ја отсечеа ногата“, изјави познатиот фудбалер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
