Хрватскиот Фудбалски Сојуз жестоко го казни тимот на Ријека за навредите што навивачите на оваа екипа ги упатија кон македонскиот репрезентативец за време на последното дерби со Динамо Загреб.
Ријека е поранешен клуб на Ристовски, а навивачката група „Армада“ го навредуваше Македонецот во текот на целиот меч, за Стефан и Динамо на крајот сепак последни да имаат причина за здравје со големата победа со која „модрите“ направија џиновски чекор до нова титула.
„Ријека се казнува и затоа што во 45. минута домашните навивачи на источната трибина извикуваа „Цигане, цигане“ кон играчот на Динамо, Стефан Ристовски. Со ова е направен прекршок на членот 87 од Дисциплинскиот правилник, за што се одредува парична казна од 4.500 евра“, се вели во одлуката на „дисциплинецот“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
