Трансферот на Дејан Кулушевки од Јувентус во Тотенхем нема да биде единствениот кој овие два тима ќе го остварат оваа зима откако по стапките на несудениот македонски репрезентативец ќе тргне и Родриго Бентакур. 24-годишникот ќе биде продаден за 19 милиони евра, а овој трансфер може да се зголеми и за дополнителни 6 милиони евра со бонуси.
Заминувањето на Бентакур, Јувентус ќе го поплни со Денис Закарија, фудбалер на Борусија Монхенгладбах за кој постоеше интерес и од останатите гиганти на европскиот фудбал, но најконкретна во преговорите беше „старата дама“. Трансферот е веќе договорен, а остануваат само да се одредат деталите од истиот.
Пристигнувањето на Кукушевски на „Хотспур“ предизвика уште едно заминување, а тоа е Брајан Гил кој ќе се пресели во Валенсија. 20-годишниот Шпанец до крајот на сезоната ќе биде на позајмица, а шпанскиот клуб ќе има опција за откупување на договорот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
