Македонскиот одбојкарски стрaтег, Жарко Ристоски успеа со својот Ал Рајан да ја одбрани титулата во катарскиот одбојкарски шампионат и оваа сезона.
Ал Рајан, предводен од Ристовски, во финалниот натпревар славеше против Ал Араби со убедливи 3-0, по што повторно успеа да дојде до трофејот. Ова е петта титула за македонскиот тренер на чело на Ал Рајан за време на двегодишниот досегашен негов престој.
„Ти благодарам Господе. Повторно шампиони и за сезона 2022/2023. Пет трофеи за две години со Ал Рајан е навистина убаво постигнување. Благодарност до сите мои играчи, персонал и менаџментот на клубот“ – истакна Ристовски по освојувањето на новиот трофеј.
Претходно минатата сезона Ристовски со Ал Рајан ги освои Арапскиот тимски шампионат, како и пехарите наменети за најдобриот тим во Катарското првенство и катарскиот Куп за 2022 година. Само еден месец претходно, пак, го освои и трофејот во Западно-азискиот шампионат.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
