Динамо Загреб и Стефан Ристовски ќе играат во осминафиналето на Конференциската лига на УЕФА, откако на реванш дуелот против Бетис вечерва на „Максимир“ во Загреб ремизираа 1-1. Сосема доволно за пласман во следната европска рунда натпревари по претходната победа од 0-1 на гостински терен пред седум дена.
Бетис имаше предност од 0-1 по првото полувреме по мајсторскиот гол со пета на Бакамбу во 38. минута.
Но, Динамо Загреб израмни во 59. минута преку Канеко, сосема доволно за место во следната европска рунда.
Бугарски Лудогорец доживеаја елиминација на домашен терен од швајцарски Сервет кој славеше во Бугарија со 0-1, со голот на Коњат уште во 6. минута. Првиот дуел во Швајцарија заврши без голови.
Норвешки Бодо/Глимт и Ајакс преку продолженија ќе бараат пат во осминафиналето откако и мечот во Норвешка денеска заврши без победник во регуларниот дел (1-1). И првиот меч во Амстердам заврши без победник (2-2).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
