Во своето прво обраќање по потписот со Динамо Загреб, македонскиот репрезентативец Стефан Ристовски вели дека минал тежок период во Спортинг Лисабон последните месеци кој сака да го заборави и сега максимално да се фокусира на фудбалот.
„Сакам да се заблагодарам на раководството и стручниот штаб на Динамо Загреб кои преку овој трансфер ми овозможуваат повторно да мислам на фудбалот. Изминативе неколку месеци беа турбулентни за мене, не можев да мислам на фудбалот и само посакувам сето тоа да е зад мене. Среќен сум што ќе бидам дел од семејството Динамо“ – истакна Ристовски.
А, нема да има многу непознаници за Ристовски во Динамо ако се знае дека тука е репрезентативниот соиграч Адеми, како и поранешни соиграчи од Ријека.
„Да, знам дека доаѓам во позитивна средина со многу познати лица и може да кажам дека едвај чекам да ги запознаат и сите останати соиграчи“ – вели Ристовски, кој се осврнува и на македонската репрезентација и обезбедниот пласман на Европско првенство.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
