Македонската фудбалска репрезентација го претрпе првиот пораз во новото издание на Лига Нации откако загуби од Грузија на домашен терен со 0-3. Откако мрежите мируваа во првите 45. минути, Грузиците со три гола во вториот дел стигнаа до третата победа во натпреварувањето.
По натпреварот Милан Ристовски не го криеше разочарувањето од поразот, а ја честита победата на Грузија. Тој додаде дека тимот не сакал да се доведе во ваква ситуација, но сега истата мора да се надмине.
„Со оглед на тоа колку се подготвувавме и верувавме во овој натпревар, сме разочарани. Но, понекогаш фудбалот е таков, да не речам суров. Не секогаш испаѓа така како што ќе замислите. Грузија беше подобра и мора да и се честита. За жал, мора да се надеваме сега и да правиме математики. Не сакавме да се доведеме во таква ситуација, но, за жал ќе мора да чекаме на кикс на противникот и ние да победиме на гости ако сакаме да конкурираме за првото место“
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
