Стадионот „Младост“ во Струмица утревечер (20.45 часот) ќе биде мегдан на последниот квалификациски натпревар на македонската фудбалска репрезентација во циклусот за мундијалот во Русија. На гости доаѓа аутсдајдерот Лихтенштајн, а најдобрите македонски фудбалери сакаат триумф за крај на овие квалификации. По ремито со Италија (1-1) во Торино, Стефан Ристовски вели дека нема да го потценат составот на Лихтенштајн.
„Останува да го одиграме уште овој натпревар против Лихтенштајн и да го завршиме циклусот за СП 2018. Го пречекуваме Лихтенштајн и сигурно дека сакаме триумф за крај. Секако нема да го потцениме противникот, сите играат накдобро што знаат за својата држава, но ние сме подготвени да одговориме и на оваа задача и да стигнеме до победа. Пред се, сакаме да ја убедиме јавноста дека оваа генерација има светла иднина“, изјави Стефан Ристовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
