По победата синоќа на „Тодор Проески“ против македонскиот шампион Шкупи, екипата на Динамо Загреб го продолжува патот во Лигата на шампионите.
На крајот од таборот задоволни со елиминацијата на „жилавиот“ Шкупи, а задоволен и капитенот на македонската репрезентација Стефан Ристовски кој вели дека денеска во модерниот фудбал нема лесни противници…
„Честитам на сите за пласманот во следната рунда натпревари. Шкупи е цврста екипа која игра во два блока, а напаѓачите им се навистина опасни. Денеска во фудбалот нема лесни противници. Знам како Динамо го гледаат во Македонија, и мене ми е навистина мило што бевме така дочекани во мојот град. Шкупи е сепак шампион на државата, и немаше што да загуби, влегоа во мечот максимално мотивирани, но за нас е најважно дека дојдовме до целта, продолжуваме со нашиот европски пат, и се враќаме во Загреб среќни“ – истакна Ристовски по синоќешнот натпревар на најголемиот македонски стадион.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
