Ракометарите на Охрид стигнаа до сигурен триумф на гостувањето кај новајлијата Скопје од 23-36. во Суперлигата на Македонија. По двете победи против Радовиш и Прилеп, домаќините немаа сила за изненадување против далеку поквалитетниот тим.
Охриѓани одлично го стартуваа натпреварот, веднаш стигнаа до комотна предност, а на пауза имаа плус шест (12-18). Во вториот дел само рутински го приведоа натпреварот до самиот крај за конечни 23-36.
Најдобар поединец во таборот на победникот беше Филип Кривокапиќ со осум гола, додека Мартин Манасков постигна шест. Кај поразените се истакна Леонид Киселовски со девет гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
