Роберто де Зерби наводно е на работ да го напушти Марсеј. Италијанецот наводно понудил оставка откако клубот не успеа да се квалификува во нокаут фазата од Лигата на шампионите. Неговиот договор на стадионот „Велодром“ требаше да важи до летото 2027 година, но се чини дека ќе биде раскинат повеќе од една година пред да истече.
Сè кулминираше со убедливиот пораз од 3-0 против Клуб Бриж во Лигата на шампионите. Тешкиот пораз во Белгија го спушти Марсеј на 25-то место на табелата, оставајќи ги без место во натпреварувањето бидејќи само првите 24 екипи продолжуваат понатаму.
Раководството на клубот размислувало да го отпушти Де Зерби по разочарувачкото испаѓање. Италијанецот не го водеше тренингот на тимот во Клерфонтејн во четврток пред натпреварот од лигата во сабота против Париз, што покренува прашања за неговата судбина.
Наводно самиот Де Зерби понудил оставка. Според извештаите, разговорите се во тек меѓу сите вклучени страни и наскоро се очекува официјално соопштение за понатамошните чекори.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
