Поранешниот американски тенисер Енди Родик ги коментираше потезите на Новак Ѓоковиќ за време на натпреварот со Ботик ван де Зандшулп на Австралија Опен.
Ѓоковиќ, лут поради своја грешка, замавна по топчето по поенот, кое помина малку над главата на собирачот на топки крај мрежата.
Доколку ја погодеше, дисквалификацијата од Отвореното првенство на Австралија немаше да биде нереална.
„Бев раздразлив на теренот. Можев многу лесно да донесам одлука да удрам некого на теренот и да бидам казнет. Многу, многу, многу лесно“, рече Родик.
Во 2020 година, на Отвореното првенство на САД, Новак погоди линиска судијка во грлото, поради што беше дисквалификуван.
„Тој беше дисквалификуван од Отвореното првенство на САД затоа што го направи истото. Она на Отвореното првенство на Австралија беше многу полошо. На Отвореното првенство на САД, тој удри бекхенд и тоа беше една во милион шанси да погоди некого. Она што го направи на Отвореното првенство на САД, го имам направено илјада пати, но јас сум имал среќа да не погодам никого“ – вели Родик и додава:
„Според мене, ќе беше полошо ако удреше дете кое собира топки сега во Мелбурн. Се ставаш во позиција да бидеш суден. Немаше среќа на Отвореното првенство на САД. Но, немаше намера. Немаше намера и тука, но беше глупаво. Имаше 100 проценти среќа. Не бев воодушевен кога го видов тоа, но ми е мило што Новак не беше исфрлен од турнирот.“
Да ве потсетиме дека во среда наутро, Новак ќе се соочи со Лоренцо Мусети во четвртфиналето на Австралија опен.
Djokovic, frustrado, ha pegado un pelotazo a la bola y CASI le da a un recogepelotas.
Le pasó rozando.
De haberle dado, habría sido descalificado.
pic.twitter.com/nwHcpMPknK https://t.co/MYGN62glBk
— José Morón (@jmgmoron) January 24, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
