Родри се закити со „Златната топка“ за минатата натпреварувачка сезона, а шпанскиот ас не крие дека бил шокиран од односот на Реал Мадрид во целаиот случај.
„Кралевите“ бесни што главната награда не замина кај Винисиус ја бојкотираа гала-вечерата, а Родри не ја пропушти можноста да го „пецне“ шпанскиот гигант.
„Кога некој ја цени твојата класа и си при самиот врв, без разлика дали си победник или не, треба да дојдеш. Лани Ерлинг Халанд беше во подобра позиција да дојде до наградата во однос на мене, но јас дојдов за да му дадам поддршка, и тоа е дел од нашиот спорт. Некогаш во фудбалот е важно и како да губиш, тоа кажува многу за тебе. Овој период, по повредата и рехабилитацијата, е многу тежок, па затоа целиот настан беше од огромна важност за мене. Јас не знаев дека ќе победам кога прифатив да дојдам, отидов за Париз затоа што знаев дека ќе биде прекрасна вечер“, изјави Родри.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
